Freixós

A gastromía é unha parte importante do patrimonio inmaterial dos pobos.

A gastronomía galega, dentro da chamada dieta atlántica, é unha gastronomía moi rica, baseada en produtos magníficos do mar e da terra.

Os freixós, un dos postres típicos das festas do Antroido, son un postre que estes días non pode faltar. Sós ou recheos de mel, nata, marmelada, crema pasteleira, etc., unha delicia!

A praia de Seselle

 

A praia de Seselle, que dá nome á casa de apartamentos, é unha gran praia de area dourada e augas tranquilas . Xunto coas praias de O Raso, As Regueiras e a praia urbana de Ares, forman a fermosa enseada de Ares con forma de gran cuncha e orientación privilexiada na ría de Ares. Con marea baixa, un enorme areal de varios kilómetros para disfrute de camiñantes, corredores, pescadores , etc. En días de vento, é ideal para a práctica de kitesurf e surf.

A praia de Seselle é moi tranquila, ideal para familias con nenos ou xente que gusta de camiñar pola praia. Dende os apartamentos podemos ir andando ata ela, nun pequeno paseo de menos de 5 minutos. Esta praia agocha un pequeno tesouro, o bosque fósil ou lagoon de Seselle, que cando hai mareas moi vivas, o mar nos permitirá observar ao desenterralo.

Un paraíso ao lado da casa!

Salón-comedor

O salón-comedor é outro dos espazos comúns da casa. Idóneo para celebrar pequenos eventos, celebracións familiares, reunións de amigos, etc. Este espazo dá acceso a un aseo adaptado.

Arquitecto: Tomás Monteagudo.

 Deseñadora de Interiores: Aldara Pérez Vales.

Recibidor e escaleiras

O recibidor e as escaleiras son o punto central da casa: dende eles accedemos aos espazos comúns e aos tres apartamentos. A porta principal e a porta traseira están enfrentadas e son moi diáfanas, para permitir un diálogo visual entre o exterior e o interior. 

Arquitecto: Tomás Monteagudo.

 Deseñadora de interiores: Aldara Perez Vales. Deseño de escaleiras: Aldara Pérez Vales.

Porche e terraza

</ a>

O porche, onde está a entrada principal, é moi amplo e móstranos elementos da antiga casa que conservamos na rehabilitación: chantas perimetrais, canteiría da porta de entrada, etc. Na terraza da parte traseira da casa tamén conservamos todos os elementos posibles da arquitectura da vella casa. Resultou unha terraza ampla, cómoda, moi soleada polas mañás e aberta ao xardín.

O número 28, que hai sobre a porta da terraza, é o número primitivo da casa. No documento máis antigo que conservamos dela, o testamento do 3 de febreiro do ano 1891, no que o noso antepasado Andrés Durán Carballo, maior de 80 anos mellora ao seu fillo Antonio Durán Meizoso "con la casa de planta baja y alta número veinte y ocho del lugar de Seselle de esta parroquia,..."

 Arquitecto: Tomás Monteagudo.

 Deseñadora de Interiores: Aldara Pérez Vales.

Apartamento "A Cercada"

O apartamento "A Cercada", tamén está no primeirao piso, e resulta luminoso e cómodo para parellas ou pequenas familias. Ten unha habitación dobre e unha ou dúas prazas máis en sofá cama.

O cuarto de baño ten o acceso no dormitorio e conta con todo o preciso.

"A Cercada" é o nome dun illote pequeniño (con marea alta case non se ve) entre O Mourón e a praia de Sabedelle.

Arquitecto: Tomás Monteagudo.

 Deseñadora de Interiores: Aldara Pérez Vales.