Recordos de infancia

Esta sinxela mesa de madeira de piñeiro ten máis de 40 anos e está moi ligada aos recordos familiares. Foi un dos primeiros mobles que fixo meu pai. Feita coma mesa de cociña e sobre ela, ademais das comidas familiares, houbo tarefas escolares e outras moitas vivencias da familia. Agora, pintada de branco e colocada no porche, está disposta a ser testigo doutros momentos: conversas, ratos de lectura, xogos de mesa,... dos nosos hóspedes.