Día do Libro

Hoxe 23 de abril, Día do Libro, lembrámosvos que na casa tamén atoparedes libros, guías, folletos, etc. para ler na vosa estadía.

Feliz Día do Libro!

!

Torradas

As torradas, esa sobremesa que adoitamos facer con pan reseso, son un doce moi común en Galicia en calquera época do ano. Temos as variantes de torradas de viño, torradas de mel,... Noutras zonas de España son máis ben doces da Coresma. Unha lambonada deliciosa!

Senda Costeira de Ares

Gustas do Shinrinyoku e das andainas por zonas naturais? Dende os apartamentos hai varias alternativas para elexir: a Senda Costeira de Ares é magnífica para os afeccionados a estas actividades; pódese ampliar coa Senda Costeira de Bezoucos ou un pouco máis lonxe, as diversas rutas que podemos facer no Parque Natural de As Fragas do Eume. Anímate nestas vacacións!

Desconecta en Semana Santa

Unha escapada rural , fuxindo do balbordo da cidade, das présas, do estrés, é o que precisas nestes días de Semana Santa. Os paseos na natureza, a calma, o descubrimento de lugares cheos de beleza e maxia,... son plans ideais para disfrutar en familia, con nenos, con amigos, en solitario. A nosa pequena e tranquila aldea de Seselle é ideal para vivir esta experiencia rural, e á vez, en poucos minutos de coche poderás estar nunha gran vila ou cidade (Pontedeume, Ferrol, Fene, Narón, A Coruña,...) Se che apetece.

Momentos na horta

Nestes primeiros días de abril a natureza vibra co seu rexurdir e os momentos na horta permítennos disfrutar deses brotes nas árbores e plantas, dos traballos e cantos dos paxaros, das caricias do sol, das carreiras das nubes no ceo cambiante, das chuvias lixeiras de primavera, do firmamento na noite,...

Tantos momentos!

Rematando marzo

Rematando marzo, e despois dunha sucesión de borrascas que nos afectaron lixeiramente, parece que a primavera xa empeza a mandar na natureza coa explosión de vida que vemos ao noso arredor.

Apetece disfrutar das praias e calas que temos na ría, pasear polos areais, relaxarnos coa cadencia do mar, deixarnos acariciar polo sol,...

O paraíso de Ares, na fermosa península de Bezoucos, espéranos!

Navegando na ría de Ares

A ría de Ares é magnífica para a navegación e se nos apetece unha saída deste tipo, podemos alugar no porto de Ares un veleiro con patrón que nos permita gozar da beleza desta ría. O Concello de Ares, co seu barco "O Presas" tamén ofrece viaxes dentro da ría, para coñecer a fermosa costa do concello. Ao ser un antigo barco pesqueiro, será unha navegación completamente distinta, pero igualmente atractiva.

Dous xeitos de navegar na ría que, seguro, serán unha marabillosa experiencia!

Infancia e praia

Calquera fin de semana na praia de Seselle é ideal para as familias con nen@s. Un día ou dous, nos apartamentos, permitirános baixar nun corto paseo ata a praia e disfrutala, desconectar da vida estresante, reconectar coa natureza, vivir,... As súas caras e sorrisos dirán todo!

Apetece unha orella?

Outro sobremesa deste tempo de Antroido son as orellas. Riquísimas a calquera hora. Apetece unha?

Tempo de freixós

Chega o Antroido e apetece preparar as larpeiradas propias deste tempo. Que tal uns freixós? Sós ou acompañados están deliciosos. Bo proveito!

O Raso, baixo a luz de febreiro.

Calquera momento é bo para baixar dando un paseo á praia. Con marea baixa, a enseada formada polas praias de O Raso, A Campa, Seselle, As Regueiras, O Xuncal,..ofrécenos un longo areal cheo de posibilidades: camiñar, sentarse a meditar, correr, pescar, recoller cunchas, buscar "tesouriños" entre as pedras e os arrastres da marea, practicar deportes naúticos,... O Raso cos seus recunchos: a pequena fontiña á que íamos beber de cativos, as caliñas, camiñar polas penas que nos achegan ao Mourón,... Un paraíso!

Paseo dunha mañá de febreiro

Baixar á praia a dar un paseo a media mañá é un regalo que debemos darnos con toda a frecuencia posible. A praia de Seselle, a uns minutos da casa, ofrécenos o seu amplo areal para disfrutar dos beneficios destes paseos.

Nas mañás solleiras é un paseo moi frecuentado por paseantes e corredores.

Disfruta da nosa costa dende os nosos apartamentos. Vive a vida e a tranquilidade dunha pequena aldea costeira, pero á vez, situada e moi ben comunicada con grandes vilas e cidades (Ferrol, Pontedeume, Fene, Narón, Betanzos, A Coruña,...)

Mexillóns á mariñeira

Os mexillóns galegos son tan saborosos que simplemente preparados ao vapor xa están exquisitos. Ás veces apetecen nalgunha preparación con prebe, para mollar pan, e daquela unha preparación sinxela, pero moi rica é a dos mexillóns á mariñeira. Os mexillóns galegos son sen dúbida outro dos alimentos que hai que degustar en Galicia.