A praia nas mañás de verán

Disfrutar dos paseos pola praia nas mañás de verán é algo magnífico. Un gran areal (Praia de Seselle-O Raso) á túa disposición. Vén a descubrilo. Sobran as palabras!

S. Xoán

Celebrando o S.Xoán como manda a tradición: as flores, as fogueiras, as sardiñas,... Unha das grandes festas do ano!

Os nosos ríos

Moi preto da casa atoparemos ríos con sendas, rutas, fragas, fervenzas, muíños, áreas recreativas, etc. para descubrir e disfrutar. Dende os máis próximos( Eume, Belelle, Xubia, Castro,...) ata outros un pouco máis afastados (Lambre, Mera, Sor, Mandeo,...). Moito onde elexir!

Alfombras florais

Esta noite a vila de Ares estará ateigada de visitantes para ver o traballo das persoas que, ano tras ano, elaboran as fermosas alfombras florais. Conservando as tradicións!

Apetece?

Despois da comida, disfrutar dun rato de relax escoitando os paxaros, notar a lixeira brisa, observar o ceo sen nubes,... soñar. Apetece pasar tempo no xardín!

No xornal

No xornal de hoxe falan do noso concello de Ares coma un deses lugares de maior atractivo turístico. Hai que tratar de manter a súa beleza e autenticidade, protexendo a súa natureza e patrimonio.

Disfrutar do xardín

Coa primavera en todo o seu esplendor, os momentos no xardín da casa apetecen moito máis. De día ou de noite, hai que aproveitar!

Maio na praia de Seselle-O Raso

Con estes días espléndidos de maio, a praia de Seselle-O Raso convídanos a dar un paseo polo seu areal, tomar o sol, darse un baño, observar a natureza, sentarse na area a meditar,... Moitas opcións a elexir. A praia está esperando a pouca distancia da casa.

Ruta teatralizada das Letras Galegas

Encantada de colaborar na IV Ruta teatralizada das Letras Galegas da Agrupación Instrutiva de Caamouco e a A.VV. de Limodre. Todo un pracer recibilos na nosa casa!

Sobresaliente para a organización, as actuacións e o público.

"O maio"

Este é o noso maio para celebrar a forza rexenerativa da Natureza na primavera.

Recordando o célebre poema de Curros Enríquez neste Día das Letras Galegas: 

Aí vén o maio

de frores cuberto

puxéronse á porta

cantándome os nenos

i os puchos furados

pra min estendendo

pedíronme crocas 

dos meus castiñeiros

    ...

 

Mil primaveras máis para a Lingua. Feliz Día das Letras Galegas!

Cando marzo maiea, maio marcea.

O refrán di que si disfrutamos dun marzo de bo tempo, logo teremos un maio dun tempo invernal. O caso, é que este mes de maio empezou regular. Esperamos que pase axiña o tren de borrascas e que maio volva en todo o seu esplendor.

De calquera xeito, os días máis longos sempre ofrecen tréguas que podemos aproveitar para dar un paseo e disfrutar do entorno.

A natureza está esperándonos!