Fragas do Eume

O parque natural das Fragas do Eume é un dos mellores bosques atlánticos de ribeira de todo o continente. Esta xoia da nosa provincia é ese lugar que a maioría dos nosos visitantes non se queren perder. Os tesouros que ofrece son varios: arquitectónicos, etnográficos, naturais, etc. Ofrécenos varias rutas ou sendas magníficas para os amantes das camiñatas: senda dos Encomendeiros, camiño da Ventureira, camiño dos Cerqueiros, etc.

Posiblemente a máis transitada sexa a senda dos Encomendeiros. Deixando o coche na alameda camiñamos ata a ponte colgante de Cal Grande onde cruzamos á outra marxe do río para seguir a senda río arriba ata o mosteiro de Caaveiro e volta á alameda se facemos a ruta completa. Para os que non queren facer tantos Km. aconsellamos na seguinte ponte colgante de Fornelos cruzar de novo o río e regresar pola estrada ata a alameda. Así acortamos a camiñata e serán uns 10Km.

A nosa costa

Atopar fermosos tesouros paisaxísticos na nosa terra é moi doado. Ás veces, baixando unhas pequenas escaleiras, atopamos un deles, que parece ofrecernos un paraíso para o noso deleite. A auga cristalina do mar, o fondo mariño empedrado, a airexa acariñando a pel, a melodía da natureza nos nosos oídos,...Tanta beleza por descubrir en calquera recuncho de Galicia!

Estampas de outono

En calquera lugar de Galicia podemos atopar fermosos recunchos para fotografar. Agora no outono, esas fotos poden ser impresionantes. So hai que deixarse levar polas múltiples estradas e pistas que recorren o noso rural e pola beleza destas estampas de outono que nos ofrecen as aldeas. Paraísos do norte de Galicia!

Bailando entre tomas 💃🎬 LEO & LOU 2025 Cuando el rodaje se convierte en ...

Unha vez máis Redes volve ser escenario dunha película. "Leo y Lou" é unha road movie galega que acaba de estrearse e o seu director Carlos Solano dálle unha importancia especial aos exteriores rodados en Redes, Covas, Narón, Monfero. Xa van unhas cuantas, entre películas e series.

De peirao a peirao

Dous concellos pegados cal irmáns siameses, compartindo historia, territorio, tradicións,... Ares e Mugardos. As dúas vilas mariñeiras tan pintorescas e fotoxénicas, cos seus peiraos protagonistas deste pequeno xogo ou broma dun fermoso serán de outubro:"De peirao a peirao e tiro fotos porque me toca".

Observar a vida dende o peirao ten algo especial. Aínda que so sexa un  pouco tempo, achegarse ata eles é imprescindible no día a día de moitas persoas destas vilas: sempre hai algo que chama a atención, que nos sorprende, que nos relaxa,... A felicidade das pequenas cousas!

Os nosos ríos

Moi preto da casa atoparemos ríos con sendas, rutas, fragas, fervenzas, muíños, áreas recreativas, etc. para descubrir e disfrutar. Dende os máis próximos( Eume, Belelle, Xubia, Castro,...) ata outros un pouco máis afastados (Lambre, Mera, Sor, Mandeo,...). Moito onde elexir!

A festa dos Maios

A festa dos Maios é unha festa popular que adoita celebrarse o primeiro de maio. Ten orixe ancestral enmarcado no mundo agrario e de exaltación da fertilidade e da vida vexetal. É o agradecemento á forza rexenerativa da natureza; é a festa do trunfo da primavera, que aquí en Galicia se celebra dende hai moito tempo. A xesta, o fiuncho, as flores, etc. cubrirán os maios, formarán ramos que pendurarán das portas, adornarán barcos, coches,... Na nosa bisbarra son famosos os maios de Pontedeume, de Ferrol, de Narón, etc.

Na Fraga Máxica

A Fraga Máxica, no arboreto do paseo fluvial de San Sadurniño, é ese lugar de visita obrigatoria si viaxamos con nenos. Un parque infantil diferente, situado nun fermoso entorno, para o disfrute da infancia.

Un circuito de pasarelas de madeira que unen distintas figuras e construcións, todas elas realizadas con madeira ( troncos de carballo, castiñeiro,...).

A Fraga da Cortiña é un lugar para o disfrute na natureza: correr, saltar, escalar, observar bichos, coñecer árbores e plantas,...

Nunha tarde de xaneiro, tamén pode ser unha boa opción para ir cos nosos pequenos.

Turismo activo

O turismo rural está estreitamente relacionado co turismo activo. O turismo activo (realizado en espacios naturais) pode ser de actividades de contemplación e observación da natureza coma o ecoturismo ou turismo ecolóxico, ou actividades que impliquen esforzo físico, e ás veces con certo nivel de risco controlado, coma é o caso do turismo de aventura. Actualmente o auxe das actividades deportivas e recreativas ao aire libre e a súa vinculación co turismo é manifesta e vai en aumento.

No noso concello de Ares e na comarca de Ferrolterra-Eume poderás practicar ciclismo, sendeirismo, Kayak, buceo, Windsurf, kitesurf, padelsurf, escalada, vela, montañismo, etc.

Si gustas do turismo de natureza ou do turismo de aventura, os nosos apartamentos serán a túa hospedaxe ideal. (Na casa temos bicicletas e kayak para faciliar estas actividades).

Despedindo o outono

Que tal un paseo pola praia do Lago, en Valdoviño, para despedir o outono e dar a benvida ao inverno. Un entorno natural incomparable para disfrutar e lograr un relax que nos dá saúde!