Sobre a area

 

                          "Teu corpo xeitoso indo sobre a area.

                            O teu movemento é coma as ondas do mar.

                            Teu doce balance coma o vento che leva.

                             Teu corpo xeitoso quer botarse a voar."

                                   Andrés do Barro- Corpo xeitoso.

Os paraísos das nosas praias! 

                    

Á sombra das pereiras

Estes días estamos con altas temperaturas, pasando parte de Europa unha nova onda de calor. Poder contar con esta sombra das pereiras no xardín é unha marabilla! Os nosos hóspedes disfrútana e sen dúbida unha das cousas máis valoradas dos apartamentos é o xardín.

Marea baixa

Os paseos pola praia de Seselle con marea baixa nos permiten disfrutar dun inmenso areal dentro da ría de Ares, que chega dende preto do Mourón ata a praia canina en Ares. Achegarse á orilla e escoitar o bater da onda na area é unha gozada. Sempre unha boa idea disfrutar deste entorno!

Fragas do Eume

O parque natural das Fragas do Eume é un dos mellores bosques atlánticos de ribeira de todo o continente. Esta xoia da nosa provincia é ese lugar que a maioría dos nosos visitantes non se queren perder. Os tesouros que ofrece son varios: arquitectónicos, etnográficos, naturais, etc. Ofrécenos varias rutas ou sendas magníficas para os amantes das camiñatas: senda dos Encomendeiros, camiño da Ventureira, camiño dos Cerqueiros, etc.

Posiblemente a máis transitada sexa a senda dos Encomendeiros. Deixando o coche na alameda camiñamos ata a ponte colgante de Cal Grande onde cruzamos á outra marxe do río para seguir a senda río arriba ata o mosteiro de Caaveiro e volta á alameda se facemos a ruta completa. Para os que non queren facer tantos Km. aconsellamos na seguinte ponte colgante de Fornelos cruzar de novo o río e regresar pola estrada ata a alameda. Así acortamos a camiñata e serán uns 10Km.

Festas, celebracións, actividades... en Ares

Para o mes de xullo, estas son algunhas opcións.

Orella á galega

Unha receita moi popular da gastronomía galega é a orella á galega ou orella á feira (tamén é unha tapa moi popular da hostelería). A orella de porco cocida, cortada en anacos e adubada con sal grosa, pementón doce ou picante e aceite de oliva virxe, e xa está. Riquísima!

O Segaño (Senda costeira)

A senda costeira de Ares é unha fermosura e facela en tramos máis cortos ou en pequenos paseos tamén é unha opción. Neste caso un pequeno paseo dende Chanteiro ata a batería costeira de Salgueira no Segaño, ofrécenos moi boas vistas das entradas das rías de Ares e Ferrol.

Rematando a primavera

Neste serán de finais de xuño, despedindo a primavera, aínda podemos atopar a praia do Xuncal solitaria ou o paseo con pouca xente. Dentro duns días será imposible esta imaxe coa cantidade de xente que elixe o noso concello de Ares para disfrutar das súas vacacións.

Festas, celebracións, actividades,... en Ares

Para disfrutar este mes no noso concello.

Senda costeira de Bezoucos

Un pequeno paseo pola senda costeira de Bezoucos, dende Redes ata a praia de Coído é unha boa maneira de facer un pouco de exercicio no medio natural e difrutar do entorno e as vistas cando so dispoñemos dun par de horas.

O sendeiro sobre a praia da Areamorta de Redes discorre por unha frondosa fraga sobre O Portiño, ata chegar á praia de Río Sandeu (metade de Ares, metade de Fene).

Baixando ata a mesma, e recorréndoa de punta a punta, ampliamos a camiñata. Logo seguimos ata a praia de Coído.

Neste fermoso serán de xuño, as praias desertas, lucían espectaculares.

Alfombras Florais de Ares

Un ano máis, a celebración das Alfombras Florais de Ares(Festa de Interés Turístico) concentrará os días 6 e 7 deste mes a miles de persoas no noso concello, que participarán na elaboración dos tramos das alfombras ou no disfrute da beleza efémera das mesmas.