Rematando a primavera

Neste serán de finais de xuño, despedindo a primavera, aínda podemos atopar a praia do Xuncal solitaria ou o paseo con pouca xente. Dentro duns días será imposible esta imaxe coa cantidade de xente que elixe o noso concello de Ares para disfrutar das súas vacacións.

Festas, celebracións, actividades,... en Ares

Para disfrutar este mes no noso concello.

Senda costeira de Bezoucos

Un pequeno paseo pola senda costeira de Bezoucos, dende Redes ata a praia de Coído é unha boa maneira de facer un pouco de exercicio no medio natural e difrutar do entorno e as vistas cando so dispoñemos dun par de horas.

O sendeiro sobre a praia da Areamorta de Redes discorre por unha frondosa fraga sobre O Portiño, ata chegar á praia de Río Sandeu (metade de Ares, metade de Fene).

Baixando ata a mesma, e recorréndoa de punta a punta, ampliamos a camiñata. Logo seguimos ata a praia de Coído.

Neste fermoso serán de xuño, as praias desertas, lucían espectaculares.

Alfombras Florais de Ares

Un ano máis, a celebración das Alfombras Florais de Ares(Festa de Interés Turístico) concentrará os días 6 e 7 deste mes a miles de persoas no noso concello, que participarán na elaboración dos tramos das alfombras ou no disfrute da beleza efémera das mesmas.

Feliz Día das Letras Galegas

Abrótegas

As abrótegas (asfódelos en castelán) son esas plantas silvestres, moi abundantes en Galicia, que agora na primavera están esplendorosas e enchen os campos, montes, cunetas,... É unha planta cultivada en xardín noutras latitudes, e xunto a outros porros silvestres vendíase a mediados do século pasado en mercados de S.Sebastián para facer porrusalda ou outras receitas coas súas follas, despois de cocelas, porque crudas son tóxicas. Aquí, hai anos, as súas sementes empregábanas os rapaces coma munición dunha arma que fabricaban cunha póla de biouteiro. Planta moi importante polo tanto para a cativería. E hai moitos séculos, Homero contaba que as ánimas seguían a Hermes ao país dos soños ata chegar aos Campos Asfódelos que xunto cos Campos Elíseos e o Tártaro formaban o Hades.

Eu limiteime a coller unhas poucas abrótegas para facer un ramo.

Sardiñas escabechadas

Son tantas as receitas con sardiñas da nosa gastronomía ( lañadas, afogadas, asadas, recheas, en empanada,...) que resulta difícil escoller unha. É un alimento tan saudable que temos que aproveitar para comer cando están en temporada. En escabache están boísimas, e na neveira aguantan varios días.

Celindos en flor

No mes de maio os celindos, en plena floración, enchen co seu aroma os xardíns. En Seselle, e no resto da contorna, ao celindo ou filadelfo chamámolo erroneamente cinamomo. É un arbusto moi doado de cultivar que alegra na primavera hortas e xardíns.

Praia Seselle-O Raso

Un ano máis as augas das nosas praias teñen unha calificación de excelentes.

Explosións de cores

A primavera e os seus agasallos de cor!

Os hórreos

Os hórreos do norte de España acaban de ser declarados Patrimonio Cultural Inmaterial. Estas construcións da arquitectura popular, deseñadas para gardar as colleitas e outros alimentos a salvo dos animais, son un vínculo vivo entre o pasado e o presente. En Galicia hai máis de 100.000, en distinto estado de conservación.

Auténticas xoias do noso patrimonio que debemos coidar.

Costa Bezoucos

Para os amantes das camiñatas (grandes ou pequenas) a senda costeira da península de Bezoucos é moi recomendable. Discorre pola costa dos concellos que forman a península: Ares, Mugardos, Cabanas e Fene.

É de dificultade baixa e pódese facer enteira ou por etapas. En calquera época do ano é marabillosa.

Paseo matinal pola praia

Levantarse cedo, almorzar e baixar dando un paseo á praia de Seselle é unha marabillosa maneira de comezar o día. A máis absoluta calma nos rodea; so o chío dos paxaros ou o son da marea rompe o silencio (ou o ladrido dun can saudándonos)!

Moi recomendable!